Aizawl, the 5^th March 2024: Labour, Employment, Skill Development & Entrepreneurship (LESDE) Deptt. hnuaia Mizoram Building & Other Construction Workers Welfare Board (MBOCWWB) in 'Scheme on Skill Development` a duan te zinga job roles - Mason General, Beauty Therapist leh Fashion Designer te chu VSE Training Center kaltlanga zirchhuak hmasa ber (1^st batch) zirlai 143 te hnenah Certificates semna neih a ni.

He programme ah hian Chairman Er. Lalramhluna’n Welcome Speech a sawi hnu in hunserh hman a ni a, Programme Management team & Managing Board, VSE lam atangin thusawi tawi ngaihthlak a ni bawk. Khuallian Pi Angela Zothanpuii, Secretary cum Director, MBOCWWB, LESDE leh Khualzahawm Pu Lalhmachhuana, President, Central YMA ten Certificates semna hun hmangin zirlai training chhuak te hnenah fuihna thu tha tak tak an sawi a. Tin, zirlai ti tha zual te hnenah hian Special Award pe turin YMA, Lawipu Branch leh President, Mizo Cement Mistiri Association (MICMA) te sawm an ni bawk.

He Scheme hi MBOCWWB (Welfare Board) registered member leh an chenpui (dependent family member) bikte tana duan niin Empanelled Training Providers paruk kaltlangin thalai thahnem takin job roles hrang hrangah an lo zirchhuak tawh a. Vocational School of Education (VSE) Training Center chuan heng a chunga kan sawi te bakah Plumbling General ah te hian training an kalpui a, VSE Training Center-a zirlai training chhuak 143 te zinga tam zawk hian placement an hmu tawh a ni.