Aizawl, the 25^th October 2023: Mizoram Building & Other Construction Workers Welfare Board (MBOCWWB), Labour, Employment, Skill Development & Entrepreneurship Development (LESDE) Deptt. hnuaia Scheme on Skill Development a training chhuak hmasa (1st batch) zirlai 24 (sawmhnih pali) tan Certificate semna hun leh an hna hmuhna hmuna an kalna tur thlahliamna programme buatsaih a ni.

MBOCWWB, LESDE Deptt. hnuaiah hian Skill Training Provider (TP) paruk kaltlangin Sector 8 (pariat) hnuaia Course hrang hrang 18 (sawm pariat) lai mai ah Training kalpui a ni a. He Scheme hi MBOCWWB a member in register leh an chenpui te tana duan a ni. Certificates hi Accentplus Training Center-a Tourism & Hospitality training chhuak te hnena sem niin Jio World Center (JWC), Mumbai a thawk turin interview an paltlang vek bawk a ni. 

Certificates hi Chief Guest Pi Angela Zothanpuii, Secretary cum Director, MBOCWWB, LESDE in a sem zawh ah zirlai training chhuak te a lawmpui thu a sawi a. Chumai bakah, JWC, Mumbai-a placement hmu zirlai kal tur te hnenah fuihna thu tha tak tak a sawi bawk. He Programme-a Chairman Pu Lalmuanpuia Fanai, Asst. Secy. cum Dy. Director, MBOCWWB, LESDE chuan hnathawktu te hamthatna leh chanvo labour code hrang hrang awm te sawifiahin bawhzui ngei turin a chah bawk a ni. Tin, Pu Daniel Hauhnar, Managing Director, Accentplus in he Scheme hi Mizo thalai te tana a that zia leh in-sak leh a kaihhnawih a thawkte (Construction Workers) leh an chhungte tan bika a tangkai thu a sawi bawk a ni.