No. P-11054/43/2025-LESDE, the 19th August, 2026:  Mizoram Building & Other Construction Workers' (Regulation of Employment and Conditions of Service) Rules, 2015- hnuaiia Rule 287A-in thuneihna a pek angin leh, Building & Other Construction Workers' (Regulation of Employment and Conditions of Service) Rules, 1996 hnuaiia section 22- na leh section 24-na tlawhchhan telin leh, Mizoram Building & Other Construction Workers' Welfare Board that khawm wawi 38-na, Ni 12.06.2026-a neihin a rel angin, Mizoram Governor chuan, "Welfare Schemes for Registered Workers under the Mizoram Building and Other Construction Workers' Welfare Board (8th Amendment)" chu lawm takin a chhawp chhuak a ni.

Mizoram Building & Other Construction Workers' Welfare Board (MBOCWWB) hi Building & Other Construction Workers' (Regulation of Employment and Conditions of Service) Act, 1996, section 18-na behchhana din a ni a. He Board hian in sak leh a kaihhnawiha thawktute' n (construction workers) an hnathawhna hmuna an hman tur leh an hamthatna chi hrang hrang section 22-na-in a tar lan (welfare schemes) anga an dawn theihna turin a kalpui a ni.

Tin, section 24-na hnuaiah Welfare Fund siam a ni a, he fund-a sum lutte chu Board hmalaknain member-te hamthatna atana sem chhuah turin hmalak thin a ni. Member nih dan leh hamthatna dawn theih dan inkaihhruainate hi Mizoram Building & Other Construction Workers' (Regulation of Employment and Conditions of Service) Rules, 2015-a Chapter XXX (30)-ah chiang taka tar lan a ni a, Chutih rualin, Rule 287A (2017 Amendment) hmangin sorkar chuan rules-a tar lan bak pawh welfare scheme thar a tul dan azirin a ruahman thei bawk a ni.

MBOCWWB member nih dan leh hamthatna kalpui dante chu a hnuaiia tar lan ang hi a ni:

Member nih dan

India khua leh tui dik tak, kum 18-60 inkar, kum khat chhunga ni 90 tal in sak leh a kaihhnawiha inhlawhfate chu member an ni thei a, chungte chu a hnuaiia tar lan ang hi an ni:

Contracter emaw midang hnuai a hna chi hrang hrang thawkte:-

  1. Carpenter (Thing Mistiri),
  2. Cement Mistiri,
  3. Painter (Rawng hnawih),
  4. Helper (Construction Works),
  5. Electrician, Wireman,
  6. Fitter,
  7. Welder (Thir char),
  8. Plumber,
  9. Iron & Aluminium Work,
  10. Thing zai,
  11. Balu la,
  12. Lung la (Quarry-a thawkte)
  13. Rawra chhu
  14. Kawng leh lei laia inhlawh
  15. JCB/Dozer Operator
  16. Constructions Machine Operator-te
  17. Construction Driver te
  18. Leirawhchan siama inhlawhfate a huam ang.

Amaherawhchu, India ram State/UT Welfare Board hnuai a in-register tawhte erawh a huam lo ang.

Member nihna atana document thil tel ngaitc

  1. Voter I.D. Card photocopy (Voter I.D.-a Date of Birth lang lote tan pian kum lan chianna document dang thil tel bawk tur a ni).
  2. Aadhar Card photocopy (As per Sec 142 of Code on Social Security, 2020).
  3. Family Ration Card attested photocopy.
  4. Bank Pass Book attested photocopy.
  5. Passport size photo 2 copies.
  6. Local Council/Village Council leh Branch YMA/YLA/MTF hriatpuina.

Membership Fee ngai zat

  1. Registration Fee Rs.25/-a tira pek a ngai.
  2. Thla tin membership tun nun nan Rs. 10/- pek ziah a ngai a. Amaherawhchu, thla tin pe lovin kum khat atan Rs. 120/- pek lawk theih a ni.
  3. Membership Fee/Renewal Fee hi kum thum thleng pe lawk duh tan a pek lawk theih.
  4. Membership card thih atanga Kum khat (1 year) ral hma ngeia renew thin tur a ni (As per Sec 17 of BOCW (RECS) Act, 1996).

Member tana hamthatna awm theite

1. Maternity Benefit

Member hmeichhia chu nau neih lawmpuina Rs. 10,000/- (sing khat) pek a ni ang a, member a nih atanga fa pahnih a neih thleng a huam ang. Nau neih atanga thla ruk (6 months) chhungin dil theih a ni ang.

2. Pension panggai leh ramtuileilo avanga Pension

  1. Old Age Pension: Member chu kum 60 a tlin hunah thla tin pension Rs. 1,000/- (Sang khat) pek a ni ang a, kum tin April thla apiangin Life Certificate (a la dam ngei a ni tih hriatna lehkha) an theh lut thin tur a ni. Amaherawhchu, Pension tur hian kum thum (3 years) tal member nih a ngai thung. {As per Sec 107(2) of Code on Social Security, 2020}.
  2. Disability Pension: Member chu kum 60 a tlin hmaa hliam avang emaw natna khirh tak emaw avanga hnathawk thei tawh lo (Medical Board-in disability 40% a pek chin) a nih chuan thla tin Pension Rs.1,000/- (Sang khat) pek a ni ang a, a dinhmun azirin Rs. 1,00,000/- (Nuai khat) thleng tanpuina pek theih a ni ang.
  3. Family Pension: Member Pension la mek a boral chuan a ai-ah a nominee hnenah thla tin Pension lak mek zahve (50%) pek chhunzawm theih a ni ang.

3. Thihna chungchanga hamthatna awm theite

  1. Accidental Death Benefit: Member hnathawhna hmuna chetsual avanga boralte chu Rs. 3,00,000/-(Nuai thum) thleng pek theih a ni a
  2. Natural Death Benefit: Hnathawhna kaihhnawih ni lo leh chhan dang avanga boral an nih chuan Rs. 1,00,000/- (Nuai khat) pek theih a ni thung ang.
  3. Funeral Assistance: Member boral chu a vuina senso tanpuina atan Rs. 5,000/- (Sang nga) pek theih a ni.

Thla tina Rs. 10/- a lo thawh tawh tling khawm kha pek let leh a ni ang. Member chuan a boral hmaa a chhungte tanpuina dawng tur mumal tak a siam sa loh chuan a hnuai mi ang hian tanpuina chu pek chhuah mai tur a ni:

  1. 1st A nupui/Pasal
  2. 2nd Kum tling lo, a fapa/fanu
  3. 3rd An fate nupui/pasal la nei lo (upa ber)
  4. 4th Member boral ta nu leh pa in khata a chenpuite
  5. 5th An fanu pasal then tawh/sun tawh
  6. 6th A monu pasal sun tawh/then tawh

Member boral atanga thla ruk (6 months) chhungin dil tur a ni.

4. Nupui/pasal neih chungchanga hlavkna awmte

  1. Marriage Assistance: Member kum thum tal ni tawh tan nupui emaw pasal emaw a neihna hmasa berah Rs. 10,000/- (Sing khat) a lawmpuina pek theih a ni ang.
    Member kum thum tal ni tawh fate pahnih tan an nupui/pasal neihna hmasa berah Rs. 10,000/- (Sing khat) a lawmpuina pek theih a ni ang.
    Nupui/pasal inneih atanga thla ruk (6 months) chhungin dil tur a ni a, dilna-ah hian inneih thlalak thil tel tur a ni.

5. Damlohna leh chetsual tawh palha hmamthatna awmte

  1. Medical Assistance: Member chu chetsual vang emaw natna khirh tak tawk a, Damdawiina dah luh a nih chuan a luh ni atanga chhiarin ni tin Rs 1,000/- (Sang khat) zel a dawng thei ang. Amaherawhchu, a dawn zawng zawng hian kum khat chhungin Rs. 50,000/- (Sing nga) a pel tur a ni lo.
  2. Medical Assistance (Chronic Patience): Natna Benvawn (Cancer, Chronic Renal failure, Cerebrovascular Accident/Stroke, Heart Disease with Surgical intervention) vei member- te an inenkawlna senso atan Rs. 1,00,000/- (Nuai khat) pek theih a ni. Hei hi one-time payment tur a ni a, hemi bakah hian medical benefit, Board-in a kalpui pangngai pawh an la tel thei ang.

Damdawiin chhuah atanga thla ruk (6 months) chhungin dil tur a ni.

6. Member fate tana hmathatna awm theite (Children's Educational Assistance)

  1. Kum khat tal member lo ni tawh fate pahnih tan kum tin an lehkha zirna senso tanpui nan hetiang hian pek theih an ni:
    1. KG-I - Class-VIII zirlai tan pakhat zelah Rs. 4,000/- (Sang li).
    2. Class IX - XII zirlaite tan pakhat zelah Rs. 5,000/- (Sang nga).
    3. Under Graduate zirlaite tan pakhat zelah Rs. 8, 000/- (Sang riat).
    4. Industrial Training Institute/Polvtechnic Diploma Course zirlaite tan pakhat zelah Rs. 6,000/- (Sang ruk).
    5. Professional & Technical Degree Course (from recognized University), a tlem berah kum 2 course tal (minimum two years course) zirlaite tan pakhat zelah Rs. 20,000/- (Sing hnih).
    6. Scholars/Researchers/Post Graduate Level (recognized university)-a zirlaite tan pakhat zelah Rs. 20,000/- (Sing hnih).
  2. Board Examination Incentive (Cash Award): MBOCWWB member fate, Board hriatpui (HSLC, HSSLC, State Board dante, CBSE, ICSE leh a tlukpui) hnuaiia Class X leh Class XII Board exam-a 80% leh a chung lam hmua pass-te hnenah Rs. 20,000/- pek an ni ang. Member pakhat fate pahnih thleng tan a ni.

Educational Assistance dil hun chhung hi kum tin April-November (January-August w.e.f. Calendar Year 2027) a ni ang a, Beneficiaries te account-ah Direct Benefit Transfer (DBT) kal tlangin thun zel tur a ni ang.

[Hrilhfiahna: Professional and Technical Degree-in a huamte chu heng course-te hi an ni:-

  1. Engineering & Technology: B.Tech/B.E. (Computer Science, Artificial Intelligence, Machine Learning, Data Science, Cybersecurity, Mechanical).
  2. Healthcare & Medicine: MBBS, BDS, BAMS, BHMS, BTP, B.Pharm.
  3. Professional Fields dang te: Bachelor of Architecture (BArch), Bachelor of Design (B.Des), Hotel Management (BHM), Bachelor of Law (LLB)].

7. Skill Development Training and Career Development Initiatives

Mizoram Building & Other Construction Workers' Welfare Board (MBOCWWB) hnuaiia in sak leh a kaihhnawiha hnathawk inziaklutte leh an chenpuite dinhmun tihhmasawnna tura hmalakna pawimawh pahnih; Eizawnna Kailawn leh Rahbi Chhertu (Path Maker)-a kalpui a ni.

  1. Eizawnna Kailawn: Eizawnna Kailawn hi Skill Development leh Entrepreneurship project a ni a, Mizoram puma MBOCWWB-a in sak leh a kaihhnawih lama thawk inizak lutte leh an chenpuite thiamna neihsa hriatpuina; Recognition of Prior Learning (RPL) leh Short Term Training - heng sector prang prang; Handicrafts, Tourism & Hospitality, Beauty & Wellness, Automotive, Apparel, Agriculture, Green Jobs leh Foreign tawng zirna buatsaih a ni a, Certificate pek a, training leh employment kawnga hmasawnna atana siam a ni.

    He project hi kum 3 chhungin mi 3,200 vel tel theihna tur atana ruahman a ni a, India ram chhung hmun prang prangah leh ram pawn (overseas) thleng hna hmuh theihna tur atana buatsaih a ni. Training chhuakte hian an training chhuahna zulzuiin hnathawhna/bul tanna bungrua an dawng ang.

    Recognition of Prior Learning (RPL)-a kalte tan an training chhunga an hlawh hloh tur phuhrukna tur wages loss compensation an dawng ang a, training chhuak zawng zawngte chuan an training-na zulzuiin hmanrua leh bungrua cheng sing nga (Rs. 50,000/-) man hu an dawng bawk ang. Tin, foreign tawng zir chhuakte chuan an zir zawh hnuia foreign kal tura offer an hmuh hnuah an inpua hchahna prang prang senso phuhruk nan cheng nuai hnih (Rs.2 lakhs) thleng an dawng thei bawk ang.

    Heng project hi pilot phase atan thla sarih (7) chhung Aizawl West-I, Aizawl West-II leh Aizawl West-III Assembly Constituencies-ah kalpui a ni ang a, chumi zawhah Mizoram pumpuia kalpui tur a ni.
  2. Rahbi Chhertu: Rahbi Chhertu (Path Maker) MBOCWWB-a in sak leh a kaihhnawih lama thawk inizak lutte leh an chenpuite tan coaching, entrance examination leh overseas employment atana financial assistance buatsaihna a ni. He scheme hi kum 3 chhunga mi 360 vel an tel theihna atana ruahman a ni a, claim-based reimbursement system (an senso ruh lehna) hmangin kalpui a ni.

    He project hnuaiah hian hamthatna dawng thei tura thlan chhuah: Technical Entrance exam - NEET, JEE, SMATEE etc. pek tum leh sawrkar hna prang prang dilna exam pek tumte tan an coaching kalna senso cheng nuai khat (up to Rs. 1 lakh) thleng an bill let thei ang. Tin, foreign- a hnathawh tumte tan an inbuatsaihn prang prang atan cheng nuai khat thleng (upto Rs. 1 lakh) an bill let thei bawk ang.

    Thlan tlinte chu sawrkar hriatpui coaching center an duhna berah an inizak lut thei ang a, exam an pek zawhah documents kimchang nen an senso hi an dil thei ang.

Note: A chunga tar lan zawng zawngte hi prescribed application form hmangin claim tur a ni a, he form-ah hian thil tel tur (required documents) list a awm bawk. Hemi form hi Employment Exchange Office (Aizawl, Lunglei, Champhai, Siaha)-ah te, District Facilitator-te hnen atangin (DC Office-ah: Mamit, Kolasib, Lawngtlai, Serchhip, Hnahthial, Khawzawl leh Saitual)-ah te leh he official website ah te man nei lova lak leh download theih a ni.)