Labour, Employment, Skill Development & Entrepreneurship (LESDE) Department hnuaia Mizoram Building and Other Construction Workers Welfare Board (MBOCWWB) Emergency meeting chuan COVID-19 hrileng avanga hnathawktute harsatna hriain chhawmdawl dan tur hetiang hian a rel:

  1. Mizoram Building & Other Construction Workers Welfare Board (MBOCWWB) a hnathawk inziaklutte chhawmdawlna tur leh a tul anga sawrkar in hrileng mek do nan a tul anga hman theih turin Welfare Board sum hman a rem ti a. Welfare Board hnuaia hnathawk inziaklutte (Welfare Board member) hnenah Food, Civil Supplies & Consumer Affairs Dept. kaltlangin Ration a thlawna pek nise a ti.
  2. Welfare Board hnuaia la inziaklut lo hnathawktu harsatna tawk mek AAY leh BPL te hnenah pawh Food, Civil Supplies & Consumer Affairs Dept. kaltlangin thlakhat Ration hi a thlawna pek ni bawk se a ti.
  3. Mizoram Building & Other Construction Workers Welfare Board hnuaia 2019 December chin hmalama member lo ni tawhte tan Rs. 3000/- (Cheng Sangthum) chu Direct Benefit Transfer hmangin Welfare Board chuan remchang hmasa berah a pe bawk ang.
  4. LESDE chuan COVID-19 hrileng avanga Workers te chunga zahngaihna lo lantir tur leh an hlawhte pawh lo pe zel turin hlawhfa ruaitute a ngen bawk e.

Attachment