MEMBERSHIP FEE PEK DAN TLANGPUI:

  1. Registration Fee ₹25/- a tira pek a ngai.
  2. Thlatin membership tih nun nan ₹10/- pek ziah a ngai a. Amaherawhchu, thlatin pe lovin kumkhat atân ₹120/- pek lâwk theih a ni.
  3. Membership Fee/Renewal Fee hi kumthum thleng pe lawk duh tan a pek lawk theih

MEMBER NIHDAN: India khua leh tui diktak kum 18 – 60 inkar, kumkhat chhunga ni 90 tal inhlawhfate chu member an ni thei a, chungte chu a hnuaia tarlan ang hi a ni.

CONTRACTOR EMAW MIDANG HNUAIA HENG HNATHAWK TE:

  1. Carpenter(Thing Mistiri),
  2. Mason (Lungrem Mistiri)
  3. Cement Mistiri
  4. Painter (Rawnghnawih)
  5. Helper (Construction works)
  6. Electrician
  7. Wireman
  8. Fitter
  9. Welder (Thir châr)
  10. Plumber
  11. Iron & Aluminium Work
  12. House interior designer
  13. Thirchher
  14. Thingzai
  15. Balu la
  16. Lung la (Quarry-a thawkte)
  17. Rora chhû
  18. Kawng leh Lei laia inhlawh
  19. JCB/Dozer Operator
  20. Constructions Machine Operator
  21. Tripper Driver
  22. Leirawhchan siam leh Chinai siama inhlawhfate a huam ang.

Amaherawhchu, India ram State danga in register tawhte erawh a huam lo ang.

MEMBER NIHNA ATANA DOCUMENT THILTEL NGAI TE:

  1. Voter I.D. Card xerox copy. (Voter I.D. a Date of Birth lang lo te tan piankum lan chianna document dang thiltel bawk tur a ni.)
  2. Family Ration Card attested xerox copy.
  3. Bank Pass Book attested xerox copy.
  4. Passport size photo 2 copies.
  5. Local Council/Village Council hriatpuina.

MEMBER TÂNA HAMTHATNA AWM THEI TE:

MEMBER HMEICHHIA TÂN BIK:

Hmeichhia chu nau neih lawmpuina ₹5,000/- (sangnga) pêk a ni ang a, member anih atanga fa pahnih a neih thleng a huam ang.

Nau neih atanga thlaruk (6 month) chhungin dil theih a ni ang.

PENSION PANGNGAI LEH RAMTUILEILO AVANGA PENSION:

  1. Member chu kum 60 a tlin hunah thlatin pension ₹1,000/- (Sangkhat) pêk a ni ang a, Kumtin April thla apiangin Life Certificate (a la dam ngei ani tih hriatna lehkha) an thehlut thin tur a ni. Amaherawhchu, Pension tur hian kumkhat tal member nih a ngai thung.
  2. Member chu kum 60 a tlin hmaa hliam avang emaw natna khirh tak emaw avanga hnathawk thei tawh lo (Medical Board-in disability 40% a pêk chin) anih chuan thlatin Pension ₹1,000/- (Sangkhat) pêk a ni ang a, a dinhmun a zirin ₹50,000/- (Singnga) thlenga tanpuina pêk theih a ni ang.
  3. Member Pension la mek a boral chuan a aiah a nupui hnenah thlatin Pension lak mêk zahve (50%) pek chhunzawm theih a ni ang.

THIHNA CHUNGCHANGA HAMTHATNA AWM THEITE:

  1. Member hnathawhna hmuna chetsual avanga boralte chu ₹3,00,000/- (nuaithum) thleng pek theih a ni a, an hnathawhna kaihhnawih ni lo leh chhan dang avanga boral an nih chuan ₹1,00,000/- (nuaikhat) pek theih a ni thung ang. Thlatin a ₹10/- alo thawh tawh tlingkhawm kha pêk lêt leh a ni ang.
  2. Member boralte chu a vuinaa senso tanpuina atan ₹5,000/- (sangnga) pek theih a ni.
  3. Member chuan a boral hmaa a chhungte tanpuina dawng tur mumal tak a siamsa loh chuan a hnuaia mi ang hian tanpuina chu pekchhuah mai tur a ni:
    1st A Nupui/Pasal.
    2nd Kumtling lo a fapa/fanu.
    3rd An fate nupui/pasal la nei lo (upa ber).
    4th Member boral ta nu leh pa In khata a chenpuite.
    5th An fanu pasal then tawh/sûn tawh.
    6th A monu pasal sûn tawh/then tawh.
  4. Member boral atanga thlaruk (6 month) chhungin dil tur a ni.

NUPUI/PASAL NEIH CHUNGCHANGA HLAWKNA AWMTE:

  1. Member kumthum tal nitawh tan nupui emaw pasal a neihna hmasa berah ₹5,000/- (sangnga) a lawmpuina pek theih a ni ang.
  2. Member kumthum tal nitawh fate pahnih tan an nupui/pasal neihna hmasa berah ₹5,000/- (sangnga) a lawmpuina pek theih a ni ang.
  3. Nupui/pasal inneih atanga thlaruk (6 month) chhungin dil tur a ni.

DAM LOH LEH CHETSUAL TAWH PALHA HAMTHATNA AWMTE:

  1. Member chu chetsual avang emaw natna khirh tak tawk a, Damdawi Ina dah luh a nih chuan a luh ni atanga chhiarin nitin ₹1,000/- (sangkhat) zel a dawng thei ang. Amaherawhchu, a dawn zawng zawng hian kumkhat chhungin ₹50,000/- (singnga) a pel tur a ni lo.
  2. Damdawiin chhuah atanga thlaruk (6 month) chhungin dil tur a ni.

MEMBER FATE TANA HAMTHATNA AWM THEITE:

  1. Member fate pahnih tan kumtin an lehkha zirna senso tanpui nan  hetiang hian pek theih an ni:
    a) KG-I atanga HSLC (Class-X) chin tan pakhat zelah ₹2000/- (sanghnih).
    b) Higher Secondary (Class XI & XII) tan pakhat zelah ₹3,000/- (sangthum).
    c) Graduate/Degree Course/Technical Course tan pakhat zelah ₹4,000/- (sangli).
  2. Member fate pahnih tan Board/University Examination viz HSLC, HSSLC leh Graduate/ Degree Course a State puma Top 10-a tling chinte chu pakhatah ₹50,000/- (singnga) a lawmpuina pek theih a ni ang.
  3. Educational Assistance dil hun chhung hi kumtin April - December a ni ang a, kum khatah quarterly a sem chhuah (Account-a transfer) thin a ni ang.
    1. April - June
    2. July - September
    3. October - December
    4. January - March

HAMTHATNA AWM THEI DANGTE:

  1. Member tan leh an chhungkaw member tan thiamthil (Skill Development) chi hrang hrang zir theih a ni ang.
  2. Member kum nga tal ni tawh, kum 45 la tling lo tan chenna In sakna tur ₹1,00,000/- (nuaikhat) aia tam lo Loan 2% chauh pungin pek theih a ni.
  3. Member kumthum tal nitawh, kum 55 la tling lo tan hnathawhna hmanraw lei nan ₹30,000/- (singthum) aia tam lo Loan 2% chauh pungin pek theih a ni.